Search Here

Custom Search
Showing posts with label Philippines. Show all posts
Showing posts with label Philippines. Show all posts

OFWs muling pinaalalahanan na igalang ang batas sa KSA

JEDDAH, Saudi Arabia – Sa pagkalat ng electronic mails sa Pinoy communities sa bansang ito na nagbibigay babala tungkol sa ilegal na mga gawain, muling nanawagan ang mga opisyal ng Pilipinas sa mga overseas Filipino worker (OFW) na sundin ang batas at kultura sa KSA.

Kabilang sa nakasaad sa kumakalat na email ay tungkol sa umano’y pagkakahuli kamakailan sa 23 bakla na naaktuhang naka-make-up at kumikilos na parang babae.

Nakasaad din sa email ang babala laban sa pagsasama-sama ng mga babae at lalaki sa isang lugar na hindi naman mag-asawa o magkamag-anak. Tanging magkapamilya lamang ang pinapayagan ng awtoridad sa KSA na magsama sa ibang bahay.

Ayon pa sa babala, nagpakalat ang awtoridad ng mga ahenteng iba ang nasyunalidad upang isumbong ang mga dayuhan sa kanilang bansa na sangkot sa bawal na relasyon at maging ang mga gumagamit o sangkot sa pagkakalat ng ilegal na droga.

Bagamat hindi pa nakukumpirma ng konsulado ang tungkol sa kumakalat na email, pinayuhan ni Philippine Consul General Ezzedin Tago ang mga Pilipino doon na mas makabubuting umiwas sa mga ilegal na gawain upang hindi mapahamak.

Binigyan-diin ng opisyal na dapat isipin ng mga OFW na wala na sila sa Pilipinas kung saan mas malaya ang makipagrelasyon at maituturing mas maluwag ang batas.

Idinagdag ni Tago na dapat alalahanin ng mga Pinoy na nasa Saudi na may parusang kapalit kapag napatunayang sangkot sila gawaing “immoral” na magiging dahilan para mauwiin sila Pilipinas matapos makulong at posibleng malatigo.

“Concerned kami sa mga naririnig naming report tungkol sa dumaraming pag-aresto dahil may mga involve yung usual na inuman o party, party. We just want you all to be safe to enjoy yung pag-stay niyo sa Saudi Arabia para matulungan niyo ang mga pamilya niyo,” ayon sa opisyal.

Ganoon din ang naging pahayag ng Philippine Vice Consul Roussel Reyes na umaasang hindi totoo ang kumakalat na balita kaugnay sa panibagong kaso ng pagdakip sa mga Pinoy.

Sinabi nito na magsasagawa sila ng beripikasyon tungkol sa ulat kasabay din ng paalala niya sa mga Pilipino sa KSA na huwag gumawa ng mga bagay na hindi naaayon sa batas ng bansang kinalalagyan nila.

“Iba pa rin yung nagtatrabaho tayo nang maayos para sa ating mga mahal sa buhay na nasa Pilipinas. Kaya irespeto po natin ang kanilang batas, kultura at alituntunin,” pahayag ni Reyes.

Kinondena naman ni Ernie Apollo, isang OFW, ang mga kababayan na gumagawa ng labag sa batas ng KSA na nagiging dahilan para madamay umano ang mga Pinoy na maayos na nagtatrabaho doon.

“Iwasan na ang ganong klaseng problema para hindi naman nadadamay ang mga lehitimong mag-asawa sa ganoong pangyayari. Kasi ang pagkakamali ng isa, lahat ay hagip na naman pati ang legal na Filipino couples,” aniya.

Samantala, may ilan ding nakakakita ng magandang resulta sa paghihigpit ng awtoridad sa KSA lalo na ang mga Pinoy na natutukso at pumapasok sa bawal na relasyon.

Ayon kay Emma Avelino, tubong Mandaluyong, at anim na taon nang nagtatrabaho sa Saudi, magandang balita ito lalo na sa mga naiwang asawa sa Pilipinas dahil hindi na makakapagloko ang mga asawang nasa abroad.

Nanawagan din ang pinuno ng Order of the Knights of Rizal (OKOR) Riyadh Chapter na si Ronnie Ulip, na ayusin ng mga OFW ang kanilang buhay sa KSA at labanan ang matinding kalungkutan na malayo sa pamilya.

“Marami pong mga OFW ang napapahamak dahil sa kagagawan ng iba nating mga pasaway na kababayan.

Kaya iwasan po natin gumawa ng mgabagay na pagsisisihan natin sa huli,” payo ni Ulip

– Ronaldo Concha, GMANews.TV

OFW remittances to PH is ‘4th largest in the world’

By Michelle Remo


MANILA, Philippines— The Philippines remained one of the world's biggest recipients of remittances in 2010 and is seen to witness a further surge in money from Filipino migrant workers in the next two years, according to the latest "Migration and Remittances Factbook" by the World Bank.

Based on the country rankings shown in the report, remittances to the Philippines were the fourth-biggest worldwide.

Remittances to the Philippines are estimated to reach $21.3 billion for the entire 2010, registering a 23-percent growth from the $17.3 billion recorded last year.

Official and latest data from the Bangko Sentral ng Pilipinas showed that in January to August, remittances reached $12.2 billion. The World Bank estimates, however, that some $9.1 billion more remittances were sent and will be sent to the Philippines from September to December this year.

The estimated remittances to the Philippines follow the estimates for India ($55 billion), China ($51 billion), and Mexico ($22.6 billion), which were the Top 3 biggest recipients of remittances.

Landing on the fifth place, behind the Philippines, is France, remittances to which are estimated to reach $15.9 billion.

Total remittances to all developing countries are estimated to reach $325 billion this year, up by 6 percent from last year's $307 billion and rebounding from the contraction registered in 2009 as a result of the global crisis.

Remittances to the Philippines significantly help boost growth of the domestic economy, as these largely fuel household consumption. Estimates by the World Bank said remittances to the country were equivalent to about 12 percent of its gross domestic product.

Economic managers admitted that remittances largely helped the country escape recession last year, when the latest global turmoil was said to have peaked. The Philippines grew by 1.1 percent last year, performing better than most industrialized countries, which contracted.

Remittances continued to grow this year due to higher demand for Filipino workers in more countries and in more sectors.

"The diversified destination of Filipino migrants contributed to steady growth in 2010 despite the crisis," the World Bank said.

The developmental institution has projected that remittances to the Philippines would grow further next year, consistent with the likely rise in overall remittances to developing countries.

According to World Bank, remittances to developing countries may surge further by 6.2 percent in 2011 and by 8.1 percent in 2012.

However, the bank pointed out risks to the projection, including the still high unemployment rate in the United States and some other countries that accounted for the biggest migrant workers. Should their employment situation worsen, remittances to developing countries might be adversely affected, the bank said.

Note: 
Reposted from Philippine Daily Inquirer
First Posted 17:50:00 11/09/2010

Filed Under: Remittances, government, International (Foreign)Trade, Good news, Economic Indicators, Economy and Business and Finance


A Letter to P.Noy from an OFW

Mahal na Bagong Pangulong Noynoy Aquino:

Ako po na isang OFW ay nagpapahayag ng suporta sa inyong layunin sa maibalik ang nawalang dignidad ng ating bansang Pilipinas sa nagdaang mga panahon. Ako po ay naniniwala na ang isang administrasyon na nag-umpisa sa mali ay mananatiling mali hanggang sa kahuli-hulihang segundo ng panunungkulan nito. At ito nga po ang nahayag at naganap sa mahigit na siyam at kalahating taon sa ating Inang Bayan na Pilipinas.

Masasabi ko pong sa wakas ay natamo na nating muli ang kalayaang huli nating natamasa noong ika-12 nang Hunyo 1898 sa pamamahala ni General Emilio Aguinaldo. Ako ay napilitang mangibang bansa noong 2006 dahil sa nakaambang kawalan ng trabaho o hanapbuhay sa pagtatapos ng aking kontrata sa pinapasukan kong kumpanya. At sa aking pananaw na sa pangingibang-bayan ay matutugunan ang mga pangangailangang pinansiyal ng aming pamilya na hindi maaaring matugunan ng anumang trabaho sa ating bansa.

Sa kabila ng magiging kalungkutan, pagtitiis o sakripisyo na mararanasan sa pangingibang bansa ay hindi ito naging balakid sa aking solidong pasya na tumuloy at malayo sa kanila. Sapagkat ito lang ang magiging katugunan sa maaaring paghihirap na mararanasan namin kung mananatili ako sa pakikipagsapalaran sa Pilipinas nang panahong iyon.

Pagkalipas ng mahigit na dalawang taon na malayo sa aking pamilya ay natapos din ang aming pagtitiis. Sapagkat sa maikling panahon na iyon ay muli kaming nagkasama-sama ngunit hindi sa ating bansang Pilipinas na aming sinisinta. Sa halip, kami ay nagkasama-sama sa dayuhang bansa na nagbigay sa amin ng pag-asa upang mabuhay na hindi salat sa anumang pangangailangan namin sa araw-araw.

Napagdesisyunan naming mag-asawa na manatili na at ituloy ang aming pamumuhay kasama ng aming mga anak dito sa bansang aming kinalalagyan ngayon. Pagkatapos ay kami na lamang ang umuuwi taon-taon sa Pilipinas upang magbakasyon at makapiling muli ang aming mga mahal sa buhay na nananatili sa ating pinakamamahal na bansa.

Masakit man sa amin ay wala kaming magagawa na talikuran pansamatala ang bayang aming sinisinta kapalit ng masasabi nating buhay na maginhawa. Sapagkat kung kami ay magtitiyaga lang sa ating bansa e malamang wala rin kaming mapapala habang ang Pilipinas ay lugmok at ‘di pa nakakaahon sa matinding pagkadukha.
Ang aming panawagan sa ating Mahal na Pangulong Noynoy Aquino na sana’y isulong at isakatuparan niya ang layunin ng kanyang administrasyon na “WALANG MAHIRAP” kung “WALANG CORRUPTION.” Sapagkat hindi lingid sa kanyang kaalaman ang nagiging dahilan ng marami nating kababayan — kabilang na ang aming pamilya — na napipilitang mangibang bansa ay para magtrabaho.

Kasunod nito ay piliin na rin na doon na manirahan kaysa manatili sa sariling bayan na laganap ang kahirapan, walang hustisya, mabagal ang proseso ng mga ahensiya, kasama na ang katiwalian. At ang mga kawani ng gobyerno — nasa mababa man o mataas na posisyon — imbes na maglingkod sa mamamayan ay sila pa mismo ang nagiging hadlang at nagpapahirap sa nakararami.

Sa ganitong sistema ng ating bansa ay hindi malayong mas piliin ng maraming propesyunal at mga skilled workers na gamitin ang kanilang husay sa ibang bansa kaysa sa sariling bayan.

Ang mga OFW, kasama ang buo naming pamilya ay muling umaasa na sa ilalim ng panunungkulan ng bagong halal na Pangulo ng Bayan ay matutupad at muling maibabalik ang naglahong pangarap ng sambayanan. Dili’t walang iba kundi ang pag-asang mabago, maiangat ang ating nakalugmok na bansa sa kahirapan at muling kilalanin ang Pilipinas sa buong mundo – hindi lamang sa husay ng mga Pilipino kundi sa kaayusan ng pamumuno ng mga nakaupo sa gobyerno.

Ito na ang oras ng pagbabago. Ang oras upang ibalik ang tiwala ng sambayanan sa gobyerno at ang dangal ng ating Inang Bayang Pilipinas. Mabuhay po kayo mahal na Pangulong Noynoy Aquino at God bless you!

P.S.
Sana naman po ay pagtuunan n’yo ng pansin ang mga kababayan nating may mga suliranin at kaso dito sa Saudi Arabia at kami ay umaasa na kayo ay makabisita. Sana po mga Kapuso ay inyong mailathala ito at maiparating sa Mahal na Pangulong Noynoy Aquino ito. Nais ko rin sanang hilingin kay Ms. Kara David ng OFW Diaries ay mag-cover naman at mag-documentary dito Saudi Arabia.

Solid Kapuso po kami at we always watching GMA Pinoy TV sa Orbit. God bless po sa inyong lahat at more power.

Thanks and regards,

Gary Bangit Vasquez

Shared via GMANews.TV


Isang kabanata sa buhay ng chikboy na OFW sa Saudi

ni Johnson

Nag-umpisa akong mag-abroad taong 1982 at nadestino sa Alkhobar bilang isang Sales Engineer. Dito medyo malungkot dahil puro trabaho, although madalas ay nasa dagat kami… either nagpi-fishing or mangunguha ng shells at alimasag.

After two years sa Alkhobar, nalipat ako sa Jeddah. Dito na naging parang normal or actually higit pa sa normal ang buhay ko. Maaaring mahirap paniwalaan at mga kasamahan ko lang ang pwedeng magpatotoo na napakaluwag sa Jeddah noon kaysa ngayon.

Noon, kahit saan ka magpunta na may kasama kang babae ay hindi ka sisitahin. In fact every Friday, ang mga bardaka ay nasa beach at naliligo kasama ang mga girlfriend nila. Nag-umpisang maging makulay ang buhay ko doon nang nakilala ko ang grupo na mga binata kuno ng Jeddah.


Meron kaming mga kabarkada na nagtatraho sa airport ng Jeddah at nang mga panahon na iton ay maraming Pinay na kinukuhang stewardess ng isang airlines sa Saudi. Ang sabi ng bakarda ko, “brod may ambagang para sa drinks at pagkain para sa get together."

Ang mga magiging bisita doon ay mga bagong recruit ng airlines. Ang sabi pa, mas marami sila (babae) kaysa sa amin kaya walang magiging agawan. Kapag dinikitan na ng isa ang nagustuhang babae, wala nang manggugulo.

Thursday night iyon at dumating ang mga girls sa bahay ng isa naming barkadang manager ng travel agency sa Jeddah. Sampu kaming lalaki, labing pito ang bagong recruit na dumating. Kagaya ng napagkasunduan, isa-isang ng nagdikitan ang grupo sa mga kursunada nila. Ako, dahil medyo bago sa samahan, manipis pa (o mahiyain).

Ang problema may dumikit sa akin na babae na may asawa na sa Pinas. Isa siya sa medyo binigyan ng pabor ng airlines kasi ang father niya ay kilala ng recruiter. Bantulot man ako ay okey na rin dahil maganda rin naman iyong babae. Nang gabing iyo ay lumabas kami at nagpunta sa mall habang ang mga kasama ko ay nasa party.

Nang bumalik kami ay may dala na siyang stuff toy na hiniling niya sa akin. Sabi ko, okey lang gumastos doon kasi hindi naman mahal. Lahat sa party eh namangha sa bilis ng mga pangyayari. Sabi ng mga barkada mabilis daw akong masyado. Pero sa loob ko, sabi ko, “ang mabilis e iyong babae."

Simula noon, ang mga barkada ang may gathering tuwing Thursday at nasa beach naman tuwing Friday. Nagbago lang ito at ang iba ay nawawala na sa gathering kapag nagkaroon ng karelasyon na iba.

Ako, hindi ko pa rin girlfriend si babae dahil alam kong may asawa siya. Ayaw kong patulan pero magkasama kami sa lakaran. Alam ito ng mga barkada at may isang nagbangit na madalas daw akong tanungin ng isang stewardess na dalaga. Bakit hindi ko raw subukang ligawan.

Noong natapos ang training nila, binigyan sila ng one week rest sa Pinas. Pero bago sila umalis, naimbita kami sa isang birthday party. Sa party, kasama ko itong babaeng may asawa at nandoon din ‘yong babaeng dalaga na sinasabing curious tungkol sa akin. Ang pagkakaalam kasi nila (galing sa mga kasama ko) e binata ako.

Napansin nitong may asawa na ibinabaling ko ang atensiyon ko which was being reciprocated naman ng girl. So nang natapos ang party, on the way na sa compound ng airlines, sabi nitong girl na may asawa na hindi na daw siya babalik kung hindi rin lang kami magiging mag-boyfriend. Ako naman si gago, pumayag na maging kami.

Nang magbalik na sila galing sa Pinas, nandoon siyempre sa airport ang barkada para sumalubong. May dala pa akong rosas na tinanggihan namang kunin nitong babae na may-asawa. Na-guilty yata nang nakauwi ng Pinas at nakasama ang mister.

Sabi ko good riddance. Pwede ko ngayong habulin iyong dalaga pero may boyfriend sa Pinas. Naging girlfriend ko siya kahit bago pa niya ako sagutin ay sinabi ko na may asawa na ako. Sa panahon na may relasyon kami, lalo akong humanga sa kanya.

Tuwing lumilipad siya papuntang Pinas, binibilhan niya ng pasalubong ang family ko at binibigay niya ito sa kapatid ko. Sinasabi niya na ako ang nagpadala. Wala raw siyang balak sirain ang pamilya ko. Bago matapos ang isang taon, ginawa silang Manila base at dumalang na ang pagkikita namin. Kalimitan hangang Riyadh lang sila galing at pabalik ng Pinas. Minsan na lang sila napupunta ng Jeddah.

Sumunod na ay dumating ang mga bagong recruit ng airlines at nagkaroon ako ng pangalawa. Itong isang ito, napakabilis. May anak siya sa pagkadalaga. Alam niya na may kasamahan siya sa airlines na girlfriend ko. Pero iyong isa, walang alam tungkol sa kanya.

Minsan tinanong ako nung babaeng dalaga kung kilala ko raw itong si babaeng may anak sa pagkadalaga dahil iniirapan daw siya kapag nagkakasalubong sila. Hindi naman daw niya makompronta kasi head stewardess ng ate nitong pangalawa. Ang sagot ko, hindi.


Nang magbakasyon ako, isinabay ng pangalawa kong girlfriend ang bakasyon niya. Nasa economy ako at siya naman sa business class. Pero hindi nagtagal ay lumipat siya sa tabi ng upuan ko. Ang problema, may kaibigan na flight attendant ang unang girlfriend ko sa flight na iyon – huli ako.

Nang nasa airport na kami, habang tinutulungan ko si pangalawa sa kanyang mga gamit, laking gulat ko nang sinalubong ako ni unang girlfirend. Hindi lang iyon ang eksena… nasa labas naman ang misis ko.

Wala akong nagawa kundi iwan si second girlfriend at hinabol si una para magpaliwanag. Pero ayaw na niyang makinig. Lumabas na ako ng airport para makita naman ang asawa ko. Pagbalik ko sa Saudi, ayaw na akong kausapin ng babaeng may anak sa pagkadalaga at naghanap na siya ng kapalit ko. Pero si first girlfriend ay mabait at tinanggap ang paliwanag ko.


Nagdaan ang panahon, sinabihan ako ni una na magpapakasal na sila ng boyfriend niya. Niyaya na raw siya at hindi na siya puwedeng tumangi. Pinayuhan niya ako na tumigil na sa kalokohan ko at atupagin na lang ang pamilya ko. Para daw maalala niya ako, isang araw lang ang pagitan ng kasal niya sa anniversary ng kasal ko.


Pakiusap lang niya, huwag akong magpapakita sa kasal niya at baka maiyak siya at magmukhang kawawa ang asawa niya. Dumalo pa rin ako pero tinanaw ko lang ang kasal ng babaeng naging bahagi ng isang kabanata ng buhay ko bilang OFW sa Saudi.

***
Dumalo ako at tinanaw ko ang kasal ng babaeng naging bahagi ng isang kabanata ng buhay ko Saudi. Simula noon hindi na kami nagkita, tinupad namin ang usapan na hindi namin bibigyan ng dahilan na masira ang aming mga pamilya. Balita ko, siya kasama ang asawa niya ay nagmigrate sa isang bansa at maganda na ang buhay nila ngayon.

Ako, tinupad ko ang pangako na hindi na maglalaro. Nagpapasalamat na sa lahat ng pinagdaanan ko, hindi ito nabalitaan ng misis ko na pagmumulan ng pagkasira ng relasyon naming mag-asawa. Mahabang panahon na ang nakalipas, bagamat hindi ko pinagsisihan itong kabanata ng buhay ko, I was lucky to come out na walang naging problema.

Intact ang pamilya ko na kasama ko sa hirap at ginhawa. Sa mga kababayan natin na pumapasok sa ganitong relasyon, sana isipin ninyo na ako ay swerte lang na makalabas sa ganitong situation ng maayos. Kaya tayo umalis ng Pinas para mabigyan ng magandang kinabukasan ang pamilya natin. Marami sa mga kasama ko ang napariwara na naging dahilan ng paghihiwalay nila sa kanilang mga asawa at sinamahan ang mga naging girlfriends nila. Nasira ang pagasa ng pamilya nila na sa pag alis ng ama ng tahanan, magandang bukas ang makakamit nila."

Reposted from  GMANews.TV (10/26/2010)